“Уран жолоодлого” тэмцээнийг тав дахь жилдээ зохион байгуулна

Нийтийн тээврийн бодлогын газраас үйлчилгээ үзүүлэгч 17 аж ахуйн нэгжийн жолооч нарын дунд “Уран жолоодлого” тэмцээнийг тав дахь жилдээ зохион байгуулах гэж байна.

Удахгүй болох “Уран жолоодлого-2026” тэмцээний техникийн хурал өнөөдөр боллоо. Энэ жилийн тэмцээнийг хэдэн төрлөөр явуулах, ямар шалгуурыг түлхүү анхаарах, өмнөх жилээс юугаараа онцлог байх гэх мэт асуудлаар санал солилцож байна.

”Уран жолоодлого” тэмцээнд өрсөлдөж буй жолооч зөвхөн ур чадвартай байхаас гадна ёс зүйтэй , хариуцлагатай байхыг гол шалгуураа болгодог уламжлалтай.

Нийтийн тээврийн бүх автобус хяналтын камертай бөгөөд тухайн жолоочийн ажлын өдрийн бичлэгийг хянаж / бэлэн мөнгө авсан эсэх, зогсоолгүй газар зогссон эсэх, тамхи татсан эсэх, зорчигчтой зүй бус харилцсан эсэх гэх мэт/ ёс зүйн алдаа гаргасан эсэхийг хянаж шалгаруулдаг юм.