Зөвшөөрөл, мэдэгдлийн тухай хуулийн 8.1 дүгээр зүйлийн 5.12 дахь хэсэгт зааснаар хот хооронд, хот доторх болон хот орчмын нийтийн зорчигч тээврийн тогтмол үйлчилгээ эрхлэх тусгай зөвшөөрөл хүссэн өргөдлийг түүнд хавсаргах баримт бичгийн бүрдлийн хамт эрх бүхий этгээдэд гаргана.

Хуульд заасан нөхцөл шаардлагыг хангасан талаар эрх бүхий этгээдэд хүргүүлэх баримт, бичгийн жагсаалт.

1.Нийтийн тээврийн үйлчилгээг шуурхай зохион байгуулах, жолооч, зорчигчдын аюулгүй байдлыг хангах дүрс бичлэгийн төхөөрөмжөөр тоноглогдсон, техникийн хяналтын үзлэгт хамрагдаж тэнцсэн нийтийн тээврийн хэрэгсэлтэй байх;

2.Нийтийн тээврийн үйлчилгээг гүйцэтгэх мэргэшсэн жолооч, мэргэжлийн хүний нөөц, санхүүгийн чадавхтай байх;

3.Техникийн оношилгоо, үйлчилгээний болон засвар, угаалгын байртай байх;

4.Автотээврийн хэрэгсэл нь хөгжлийн бэрхшээлтэй иргэний аюулгүй, чөлөөтэй зорчих нөхцөлийг бүрдүүлсэн байх;

5.Монгол Улсын стандартад заасан шаардлага хангасан байх;

6.Хот хоорондын нийтийн зорчигч тээврийн үйлчилгээнд ашиглах тээврийн хэрэгсэл нь үйлдвэрлэгдсэнээс хойш 12 жилээс, хотын доторх болон хот орчмын нийтийн зорчигч тээврийн үйлчилгээнд ашиглах тээврийн хэрэгсэл нь үйлдвэрлэгдсэнээс хойш 10 жилээс хэтрээгүй зүүн талдаа жолооны хүрдтэй байх;

7.Татвар төлөгчөөр бүртгүүлсэн байх;

8.Цахим төлбөрийн баримтын системд холбогдсон байх;

9.Тохирлын үнэлгээ хийгдсэнтэй холбогдох бичиг баримт. /Стандартчилал, техникийн зохицуулалт, тохирлын үнэлгээний итгэмжлэлийн тухай хуулийн 13.2, 13.4, МУ-ын ЗГ-ын 2018-оны 291-р тогтоол/

Дэлгэрэнгүй мэдээлэл авах эх сурвалж:

Тээврийн зохицуулалт хариуцсан, ахлах мэргэжилтэн Х.Баасансүрэн

Холбоо барих утас: 11312175

Цахим шуудан: baasansuren.khishigdavaa@gmail.com